မြို့ တစ်မြို့ က အရမ်းချမ်းသာတဲ့ ကုန်သည်တစ်ဦးဟာ ဇနီးလေးယောက် ရှိပါတယ်။ကုန်သည်ကြီးဟာ ဇနီးလေးယောက် ထဲမှာမှ လေးယောက်မြောက် ဇနီးလေးကို ဂရုအစိုက်ဆုံးတဲ့ ။ဝတ်ကောင်းစားလှတွေ ဆင်ပေးတယ်။ ကောင်းပေ့ ညွန်ပေ့ ဆိုတဲ့ အစားအစာတွေ ကျွေးတယ်။အမြဲတမ်း ဂရုစိုက်ပြီး အကောင်းဆုံးထားသတဲ့။

တတိယမြောက် ဇနီးကျတော့လည်း အချစ်ဆုံးပါပဲ။ ပွဲတက်တဲ့ နေရာတကာ ခေါ်သွားတယ်။ ပြောရရင် ပွဲထုတ်တယ်ပေါ့။သူငယ်ချင်းတွေနဲ့ တွေ့ တဲ့ အခါလည်း မိတ်ဆက်ပေးပြီး ဂုဏ်ယူနေတက်တယ်။ ဒါကြောင့် ကုန်သည်ကြီးက ဒီဇနီး အနားက ထွက်သွားမှာကိုလည်း စိုးရိမ်တကြီး ဖြစ်နေရှာတယ်။

ဒုတိယမြောက် ဇနီးကိုလည်း ထပ်တူကျ ချစ်ရှာပါတယ်။ ကုန်သည်ကြီးအပေါ် အလွန်ကောင်းရှာပြီး စိတ်ရှည်သည်းခံကာဆက်ဆံရှာတယ်။ ကုန်သည်ကြီး ဘာပြဿနာ ကြုံကြုံ  ဒုတိယ ဇနီးကို အမြဲ တိုင်ပင်ပြီး ၊ ထိုဇနီးကလည်း အမြဲတမ်း အကြံဥာဏ်တွေပေးတက်တယ်။

အဲ....နောက်ဆုံး နဲ့ ပထမဆုံးသော ဇနီးကတော့ ကုန်သည်ကြီးအပေါ် အလွန် သစ္စာရှိတဲ့ သူပါပဲ။ ကုန်သည်ကြီးရဲ့  ချမ်းသာကြွယ်ဝမှုစီးပွားရေး တွေကို ထိန်းသိမ်း ကွပ်ကဲပေးပြီး တစ်အိမ်လုံးကိုလည်း စောင့်ရှောက်ပေးတက်သူပေါ့။ ဒါပေမဲ့ ထိုဇနီးက ချစ်သော်ငြားလည်း ကုန်သည်ကြီးက သူမကို လုံးဝမချစ်ခဲ့ပါဘူး။ ဂရုလည်း မစိုက်ဘူးပေါ့။

ဒီလိုနဲ့ တစ်နေ့ ရောက်တော့ .. ကုန်သည်ကြီးက ဖျားလေရောတဲ့။ ဖျားတာမှ အပြင်းဖျား သေနိုင်တဲ့ အဆင့်အထိ ရောက်သွားတယ်။အဲ့ဒီအချိန်မှာ ကုန်သည်ကြီးက ဖျားနေရင် တွေးတယ်။ ငါဟာ အရမ်းချမ်းသာပြီး ဇနီးလည်း လေးယောက်ရှိတယ်။ ဒါပေမဲ့ ငါသေတဲ့ အခါငါ တစ်ယောက်ထဲပါလား။ ငါ တစ်ယောက်ထဲ သေမင်းဆီသွားရမှာပါလား ဆိုပြီး တွေးတယ်။ အဲ့ဒီအချိန်မှာ ဘေးနားမှာ ရှိနေတဲ့ လေးယောက်မြောက် ချစ်ဇနီးလေးကို မေးရှာတယ်။

“ငါ့ တစ်ဘ၀ လုံးမှာ မင်းကိုသာ အချစ်ဆုံး ။ မင်းအတွက် အကောင်းဆုံးတွေကိုသာ လုပ်ပေးခဲ့တယ်။ လိုချင်တာ မှန်သမျှ ဖြည့်ဆည်းပေးခဲ့တယ်။  အခု ငါ သေမင်းဆီ သွားတဲ့ အခါ မင်းကော ငါနဲ့ အတူ လိုက်ပေးနိုင်မလား ။”

“မဖြစ်နိုင်ဘူး ရှင့်..”

လေးယောက်မြောက်ဇနီးက ဆိုတယ်။ ပြီးတော့ ဘာမှ ထပ်မပြောဘဲ ကုန်သည်ကြီး အနားကနေ ထွက်ပြေးသွားသတဲ့။

ကုန်သည်ကြီးဟာ ထိုဇနီး ဒီလို လုပ်သွားတာကို ကြည့်ပြီး သူ့ ရင်ကို ဓားနဲ့ ထိုးသလို ခံစားလိုက်ရတယ်။ ဒါပေမဲ့ ခံစားချက် ကိုမြိုသိပ်ပြီးတတိယ ဇနီးကို ပြန်မေးရှာတယ်။

“ငါ မင်းကို တော်တော်လေး ချစ်ခဲ့တယ်။ အမြဲတမ်းလည်း အတူတူ ရှိနေခဲ့တယ်။ အခု ငါ သေမင်းဆီသွားတဲ့အခါ ငါနဲ့  အတူလိုက်ပေးနိုင်မလား “

မလိုက်နိုင်ပါဘူး။ ဒီဘ၀ မှာပဲ ပျော်တယ်။ ရှင်ဆုံးသွားတဲ့ အခါ တခြားတစ်ယောက်နဲ့ ပြန်လက်ထပ်မယ်။ ဒါ ကျမ ဆုံးဖြတ်ချက်ပဲ ။တကယ်ပါပဲ..ကုန်သည်ကြီး နှလုံးသားကို အေးခဲသွားသလို ခံစားလိုက်ရတယ်။

ဒုတိယ ဇနီးကို ကြည့်လိုက်ပြီး ...

“မင်းနဲ့ ငါဟာ တစ်ယောက်နဲ့ တစ်ယောက် အပြန်အလှန် တိုင်ပင်ပြီး ကူညီခဲ့ကြတယ်။

အခုလည်း မင်း အကူအညီ လိုနေပြီ။ ငါနဲ့ အတူ လိုက်ပေးနိုင်မလား ။”

“စိတ်မကောင်းပါဘူး ရှင် ... ဒီအချိန်မှာ တော့ ရှင်ကို ကျမ မကူညီနိုင်တော့ပါဘူး။

ဒါပေမဲ့ ... အနည်းဆုံးတော့ ရှင့် ဈာပနာကို ကျမ လိုက်ပို့ ပေးနိုင်ပါတယ်။”

ဒီလို ဖြေတာ ကြားလိုက်ရတော့ ကုန်သည်ကြီးဟာ မိုးကြိုးအကြိမ်ကြိမ်ပစ်ချခံလိုက်ရသလို ပါပဲ။ အရမ်း ၀မ်းနည်းသွားတယ်လေ။

အဲ့ဒီအခါ အသံတစ်ခု ထွက်လာတယ်။

“ကျမ ရှင်နဲ့ လိုက်မယ်။ ရှင် ဘယ်ကို သွားသွား ကိစ္စမရှိဘူး ။ လိုက်ပါမယ်။”

ကုန်သည်ကြီးက သူရဲ့  နောက်ဆုံး ကျန်တဲ့ ဇနီးလေးကို လှမ်းကြည့်လိုက်တယ်။ ပိန်လှီနေပြီး အဟာရ မပြည့်ဝ ဖြစ်နေတဲ့

သူရဲ့ ပထမဆုံး ဇနီးလေးဟာ သူ့ ကို ဘေးနားကနေ ငေးကြည့်နေရှာတယ်။ ဒီတော့မှ ကုန်သည်ကြီးဟာ ၀မ်းနည်းတဲ့ လေသံနဲ့ ပြောရှာတယ်။

“နောက်ဆုံးတော့ မင်းပဲ ငါနဲ့ အတူ လိုက်ပါပေးနိုင်တယ် ဆိုတာ

ငါ သိလိုက်ရတဲ့ အတွက် ငါ စိတ်ချမ်းသာပါတယ်။” တဲ့

ဒီ ပုံပြင်မှာ ကုန်သည်ကြီးနဲ့ ဇနီးလေးယောက်က ဘာကို ဆိုလိုချင်တာလဲ..?

လေးယောက်မြောက် အချစ်ဆုံးဇနီးလေး

လေးယောက်မြောက် ဇနီးဆိုတာဟာ  ကျနော်တို့  ခန္တာကိုယ်ကို ဆိုလိုတာပါပဲ။ နေ့ ရော ညရော ကိုယ့်ကိုယ် စိတ်ချမ်းသာအောင် ထားတယ်။မျက်နှာသစ် ၊ သွားတိုက် ၊ သန့် ရှင်းရေး လုပ် ၊ လိုက်ဖက်တဲ့ အ၀တ်အစားတွေ ဆင်ပေး။ ပုံပြင်ထဲက လေးယောက်မြောက်ဇနီးလေးကို ဂရုစိုက်သလိုပေါ့။ဒါပေမဲ့ ကံဆိုးစွာပဲ.. ဒီခန္တာကိုယ်ကြီးက ကျနော်တို့ ဘ၀ တပါးကို ကူးပြောင်းကြတဲ့အခါ အတူတူ လိုက်မပါပေးနိုင်တော့ဘူး။ နောက်ဆုံး ထွက်သက်မှာပဲ ဒီ ကိုယ်ဂရုစိုက်လှပါတယ် ဆိုတဲ့ ခန္တာကိုယ်ကြီးကို ထားသွားကြရတယ်။ ဒါဟာ ကျနော်တို့ သိပ်သဘောကျ ဂရုစိုက်တယ် ဆိုတဲ့ ခန္တာ ကိုယ်ကြီးရဲ့  ဦးတည်ရာက ဒီလောက်ပါပဲ။ လာတုန်းကလည်း ဗလာ သေတော့လည်း ဗလာဆိုသလိုပေါ့။

တတိယမြောက် ဇနီး

ငါတို့ အတွက် တတိယမြောက် ဇနီးကကော ... ကျနော်တို့ ပိုင်ဆိုင်မှုတွေပေါ့။ ကျနော်တို့ ချမ်းသာ ကြွယ်ဝမှုတွေ ၊ ဂုဏ်ဒြပ်တွေ ။ ကျနော်တို့  သေဆုံးတဲ့ အခါ သူတို့ လည်းတခြားတပါးကို ရောက်သွားကြတာပါပဲ။

ဒုတိယမြောက် ဇနီး

ဒုတိယမြောက် ဇနီးဆိုတာကတော့ ကျနော်တို့ မိသားစုနဲ့ မိတ်ဆွေတွေပါ။

ဘယ်လိုပဲ အနီးအနားမှာ အတူတူ ရှိနေပါစေ ။ နောက်ဆုံးမှာတော့ ကိုယ့် ဈာပနကိုပဲ လိုက်ပို့ နိုင်တဲ့ သူတွေပဲလေ။

နောက်ဆုံး ဇနီး

နောက်ဆုံး ဇနီးကတော့ ကျနော်တို့ စိတ်ပါပဲ။ ဥစ္စာ ပစ္စည်းတွေနောက် တစ်ကောက်ကောက်ပါအောင် လိုက်ခဲ့တယ်။

အောင်မြင်မှု ၊ ကျော်ကြားမှုတွေ အတွက် စိတ်ခံစားချက်ကို လျစ်လျူရှုပြီးတော့ပေါ့။ နောက်ဆုံး ကိုယ်နဲ့ ပါလာနိုင်တာက စိတ်ပါပဲလေ။

အားလုံးဆင်ခြင် နိုင်ကြပါစေ။

လင်းတန်ဆောင်