ကော်ဖီပုံပြင်

သူမကို စတွေ့ ခဲ့တာက အသိတစ်ယောက်ရဲ့ မင်္ဂလာပွဲတစ်ခုမှာပါ။

သူဘက်က သူမကို  ချက်ချင်းပဲ  ကော်ဖီအတူတူ သောက်ဖို့ ဖိတ်ခေါ်လိုက်တာ သိလိုက်တော့ သူမအံ့သြခဲ့တယ်လေ။ အခုမှ တွေ့ ဖူးကြတဲ့ သူတွေအနေနဲ့ ဆိုတော့ နည်းနည်းတော့ ရှိန်တာပေါ့။  ဒါပေမဲ့ ယဉ်ကျေးမှု ရှိတဲ့သူ တစ်ယောက် အနေနဲ့ သူမ ကော်ဖီအတူတူ သောက်ဖို့  ကို လက်ခံခဲ့တယ်။

ကော်ဖီဆိုင် ကောင်းကောင်းလေးတစ်ခုမှာ သူတို့ ထိုင်ခဲ့ကြတယ်။
သူ့ ဘက်ကလည်း သူမကို စကား ပြောဖို့ ရှက်ရွံ့ နေတာပြီး သူမကလည်း နေရတာ ကျဉ်းကြပ်သလို ခံစားရတယ် ။ ဒါကြောင့် သူမကိုယ် သူမ အိမ်ပြန်ဖို့ ပြောနေမိတယ်။

ရုတ်တရက်ပဲ သူက ၀ိတ်တာကို ခေါ်ပြီး ..

ကျနော်တို့  ဆားနည်းနည်းများ ပေးနိုင်မလား ခင်ဗျ ။ ကော်ဖီထဲ ထည့်သောက်ချင်လို့ ပါ။

ဒီလိုပြောလိုက်တော့ လူတိုင်းက သူ့ ကို အထူးအဆန်းအနေနဲ့  ၀ိုင်းကြည့်ကြပါတယ်။
သူ့ မျက်နှာကြီးက ရဲတွတ်နေတာပဲ ။

သူ့ ရဲ့ ကော်ဖီထဲကို ဆားကိုထည့်ပြီး သောက်လိုက်တယ်။ သူမ အထူးအဆန်းဖြစ်ပြီး သူ့ ကို သိချင်စိတ်နဲ့ မေးလိုက်တယ်။ ဘာလို့  ဆားကို ကော်ဖီထဲ ထည့်သောက်သလဲ လို့ ပေါ့။ သူကလည်း ပြန်ဖြေတယ်။

ကျနော် ငယ်ငယ်တုန်းက ကျနော့် အိမ်က ပင်လယ်ကမ်းခြေနားမှာလေ။ ဒီတော့ ပင်လယ်ထဲသွားပြီး နေ့ တိုင်းဆော့တယ်။ ဒါကြောင့် ပင်လယ်ရဲ့ အရသာကို ခံစားမိတယ်။ ဒီလို ဆားငံနေတဲ့ ကော်ဖီအရသာလိုပေါ့။ ဒီလိုနဲ့ ဆားငံအရသာနဲ့  ကော်ဖီကို သောက်တိုင်း ငယ်ဘ၀ကို ပြန်စဉ်းစားမိစေတယ်။ မွေးရပ်ကို ပြန်သတိရစေတယ်။ အိမ်ကိုလည်း အရမ်း သတိရတယ်။ အဲ့ဒီ အိမ်အိုလေးမှာ ရှိနေသေးတဲ့  မိဘတွေကိုလည်း သတိရမိလာတယ်လေ။ သူက ပြောနေတုန်း မျက်လုံးမှာ မျက်ရည်တွေလည် ပြည့်နှက်နေတယ်။

သူမ အရမ်း ခံစားလိုက်ရတယ်။ သူရဲ့ နှလုံးသား ထဲထိ နက်နက်ရှိုင်းရှိုင်း ထပ်တူ ခံစားလိုက်ရတာပါ။ အိမ်ကိုလွမ်းနေတဲ့ လူတစ်ယောက် ၊ အိမ်ကို ချစ်တဲ့ သူတစ်ယောက် ၊ မိမိ အိမ်ကို ဂရုစိုက်တဲ့ လူတစ်ယောက် နဲ့ မိမိအိမ်လေးကို တာဝန်သိစိတ်နဲ့ ချစ်တဲ့ သူတစ်ယောက် အဖြစ်နဲ့ ပေါ့။ အဲ့သည်မှာ သူမလည်း စပြီး ဝေးနေတဲ့ သူမရဲ့ အိမ်အကြောင်းတွေ သူမငယ်ဘ၀ အကြောင်းနဲ့ သူမ မိသားစု အကြောင်းတွေကို ပြန်လည် ဝေမျှခဲ့တယ်။

အဲ့သည်နေ့ ဟာ တကယ်ကို ကောင်းတဲ့ စကားဝိုင်းလေး ဖြစ်ခဲ့ပြီး သူတို့  နှစ်ဦးရဲ့ လှပတဲ့
ဇာတ်လမ်း အစလေးလည်း ဖြစ်ခဲ့ပါတယ်။ သူတို့  ထပ်ပြီး တွေ့ ကြတယ်။ သူမ အနေနဲ့ လည်း သူ့ ကို  သူမရဲ့ သတ်မှတ်ထားတဲ့ သူတစ်ယောက် အဖြစ် ကြင်နာတက်တဲ့ နှလုံးသား ရှိတာတွေ ၊ နွေးနွေးထွေးထွေးဆက်ဆံတက်တာတွေ ၊ ဂရုစိုက်တက်တာတွေ ကြောင့် သဘောကျခဲ့ပါတယ်။
ဒီလိုနဲ့ သူတို့ နှစ်ယောက် ပုံပြင်ကလည်း လှပတဲ့ အချစ်ပုံပြင်တွေလို ဖြစ်ခဲ့ပါတယ်။ မင်းသားလေးက မင်းသမီးလေးကိုလက်ထပ်ခဲ့ပြီး ပျော်ရွင်တဲ့ ဘ၀လေးကို တည်ထောင်သွားကြတယ်။ သူမဖျော်ပေးတဲ့ ကော်ဖီတိုင်းမှာ သူ့  အကြိုက် ဆားလေးတွေ ခပ်ပြီး ဖျော်တိုက်ခဲ့တယ်။

နှစ် ၄၀ ကြာတဲ့ အခါမှာ သူ ဆုံးပါးသွားခဲ့ပါတယ်။ စာတစ်စောင်ကို သူမအတွက် ထားပေးခဲ့တယ်။

အချစ်ရေ.. ငါ့ကိုခွင့်လွတ်ပါ။ ငါ့တစ်ဘ၀လုံး လိမ်ထားခဲ့တဲ့ အတွက်ပါ။ ငါမင်းကိုလိမ်ထားတဲ့ အရာတစ်ခုကတော့ ဆားငံနေတဲ့ ကော်ဖီ ပါပဲ။

သတိရသေးလား ငါတို့ စတွေ့ ခဲ့တဲ့နေ့ ကလေ။ ငါက အဲ့သည် အချိန်မှာ အရမ်းရှက်ကြောက်ပြီး ဘာလုပ်ရမှန်းမသိ ဖြစ်နေခဲ့တယ်။ ဒီလိုနဲ့ ကော်ဖီအတွက် သကြား မှာလိုက်တော့ ။ ပါးစပ်က ဆားလို
့ ထွက်သွားတယ်။ ပြန်ပြင်ပြောဖို့  တော်တော်ခက်ခဲ့တဲ့ အတွက် ဒီလိုပဲ ငြိမ်နေမိလိုက်တယ်။ ဒါပေမဲ့ မထင်ရက်စရာဘဲ ဒါက ကိုယ်နဲ့ မင်းနဲ့ စကားပြောဖို့  စတင်တဲ့ အကြောင်း ဖြစ်ခဲ့တယ်လေ။ ငါ့ဘ၀ အမှန်ကို ပြောပြဖို့ အကြိမ်တိုင်း ကြိုးစားခဲ့ပါတယ်။ ဒါပေမဲ့ ငါ ကြောက်နေ ခဲ့တယ်။ ဒီလိုနဲ ဘယ်တော့မှာ မလိမ်တော့ဘူးလို့  ငါဆုံးဖြတ်ချက်ချခဲ့တယ်။ ငါအခု မြေကြီးထဲမှာ လဲလျောင်းနေပါပြီ။ ငါမင်းကို အမှန်အတိုင်းမဖွင့်ပြောဘဲ ထားသွားရမှာ ကြောက်ပါတယ်။  အမှန်အတိုင်းပြောရရင် ဆားငံနေတဲ့ ကော်ဖီကို မကြိုက်ပါဘူး။ တော်တော်ဆိုးတဲ့ အရသာကြီးပါ။ ဒါပေမဲ့ ငါ့ဘ၀တစ်လျှောက်လုံးမှာ ဆားငံတဲ့ ကော်ဖီကို ကျိတ်မှိတ်သောက်ခဲ့ပါတယ်။ ငါ မင်းကို  စတွေ့ ကတည်းက ငါ မင်းအတွက် ဘာလုပ်လုပ် စိတ်မဆင်းရဲခဲ့ရပါဘူး။ မင်းနဲ့  အတူရှိချိန်တွေဟာ ငါ့ဘ၀အတွက် အပျော်ရွင်ဆုံး အချိန်တွေပါပဲ။ အကယ်လို့ ဒုတိယအကြိမ်သာ အသက်ရှင်သန်ခွင့် ရမယ် ဆိုရင် မင်းနဲ့ အတူရှိချင်ပါသေးတယ်။ မင်းဖျော်တိုက်တဲ့ ဆားငံနေတဲ့ ကော်ဖီကိုလည်း သောက်ချင်ပါသေးတယ်။

သူမမျက်ရည်စက်တွေဟာ စာရွက်တစ်ခုလုံးကို စိုရွဲကုန်ပါတယ်။

တစုံတစ်ယောက်က သူမကို ဆားငံနေတဲ့ ကော်ဖီက ဘယ်လိုအရသာရှိလဲလို့ မေးခဲ့ရင်။ သူမ ဖြေမှာ တစ်ခုထဲပါပဲ။

ဒါက ချိုမြိန်ပါတယ် ။  လို့  ဆိုပြီးပေါ့လေ။

လင်းတန်ဆောင်

Ref: Coffee Story